CBN YA UMARCI BANKUNA DA KARBAR WADANNAN TAKARDU WAJEN BADA KUDADE

 CBN YA UMARCI BANKUNA DA KARBAR WADANNAN TAKARDU WAJEN BADA KUDADE

Babban Bankin Najeriya (CBN) ya umarci dukkannin bankunan kasuwanci dake harkokin kudade a Najeriya da suna karbar duk wata takardar sheda ta tafiye-tafiye, ko duk wata takarda dake nuni da shedar gudun shijira. Bayanin yayi nuni ga dukkanin wuraren da ake kasuwancin kudade (Bankuna)dasu karbi takardun shedar tafiye-tafiye kona gudun hijira matukar takardun za'a iya daukar bayanansu a na'ura (photocopy da scanning), wajen karbar kudade ko saka kudade a asusun ajiya.

Wannan umarnin ya fito ne ta baki Dr.kevin Amugo, daraktan fannin kudade da tsare-tsare na CBN , yayi wannan sanarwa a ranar laraba, a sanarwar taxa yace ya ce bankunan su rika amfani da halatattun takardun tafiye-tafiye wajen baiwa mutane damar cire kudade. Dr. Kevin ya kuma roki bankunan dasu kara himma ta fuskar abin daya shafi cire kudade da mutane keyi a asusan ajiyar kudadensu, ko domin a samu karancin amfani da haramtatun kudade da kuma munanan aiyuka na ta'addanci ta fuskar bankuna.